(ہم دوست نیوز ): شکور شاد کے علاؤہ باقی دس استعفے منظور کر لیے گئے ہیں ،شکور شاد کے استعفیٰ کی معطلی کا اطلاق باقی کسی بھی استعفیٰ پر نہیں ہوگا، عدالت کی وضاحت آگئی ہے کہ صرف شکور شاد کے استعفیٰ کی منظوری کا نوٹیفکیشن معطل کیا گیا ہے ۔
2018ء میں قومی اسمبلی کے حلقہ 246 سے پی ٹی آئی کے ٹکٹ پر منتخب ہونیوالے رکن عبدالشکور شاد نے 8 ستمبر کو اسلام آباد ہائی کورٹ میں اپنے استعفی کی منظوری کو چیلنج کیا تھا۔
عبدالشکور شاد کی درخواست پر 9 ستمبر کو سماعت کے دوران چیف جسٹس اطہر من اللہ نے ریمارکس دیتے ہوئے کہا کہ یہ تو پی ٹی آئی کے تمام استعفے ہی مشکوک ہو گئے ہیں۔
سابق اسپیکر قومی اسمبلی کو عدالت سے بڑا ریلیف مل گیا
عدالت نے اپنا فیصلہ سناتے ہوئے این اے 246 کی نشست خالی کرنے کا نوٹیفکیشن معطل کر دیا تھا اور پی ٹی آئی کے رکن عبدالشکور شاد کو اسمبلی کارروائی میں شامل ہونے کی ہدایت کی تھی۔
تاہم میڈیا پر یہ خبریں گردش کررہی تھیں کہ عبد الشکور کے علاؤہ باقی 10 ارکان کے استعفوں کا نوٹیفکیشن بھی معطل ہو گیا ہے ۔ لیکن اب اسلام آباد ہائیکورٹ نے واضح کردیا ہے کہ پی ٹی آئی کے صرف ایک رکن قومی اسمبلی عبدالشکور شاد کے استعفے کی منظوری کا نوٹیفکیشن معطل ہوا ہے۔
عبد الشکور شاد کی درخواست پر سماعت چیف جسٹس اطہر من اللہ نے کی، جس میں شکور شاد کے وکیل نے مؤقف پیش کیا کہ الیکشن کمیشن نے 11 ارکان کا اکٹھا نوٹیفکیشن لیا ہے۔
جس پر چیف جسٹس نے ریمارکس دیتے ہوئے کہا کہ اکٹھا ہے لیکن صرف ایک ارکان کی حد تک نوٹیفکشن معطل کیاگیا ہے۔
اسلام آباد ہائیکورٹ نے اس کیس کی مزید سماعت غیر معینہ مدت کیلئے ملتوی کردی ہے ۔
“شکور شاد کے استعفیٰ کے علاؤہ باقی 10 استعفے منظور” ایک تبصرہ