(ہم دوست نیوز): اطلاعات کے مطابق پاکستان پیپلز پارٹی کے سینئر رہنما نے بھی ملک کے دیوالیہ ہونے کے خدشات ظاہر کر دئیے ہیں۔
تفصیلات کے مطابق پاکستان پیپلز پارٹی کے سینئر رہنما مصطفیٰ کمال کھوکھر نے کہا ہے کہ معیشت مسلسل بدحال ہوتی جا رہی ہے اور ملک کے دیوالیہ ہونے کا خطرہ مزید بڑھ گیا ہے، کہا گیا تھا کہ ڈالر 2 سو
روپے تک آ جائے گا، آئی ایم ایف کو سیدھا کر کے رکھ دیں گے اور مہنگائی بھی کم ہو جائے گی۔ اُلٹا اب آئی ایم ایف نے ہی مزید ٹیکسز لگانے تک اگلی قسط دینے سے منع کر دیا ہے ۔جس کی وجہ سے دوست ممالک بھی بے حد پریشان ہیں۔
معیشت بدستور بدحال اور دیوالیہ ہونے کا خطرہ بڑھ گیا۔ کہا گیا ڈالر دو سو پر آ جائے گا، مہنگائ کم اور آئی ایم ایف کو سیدھا کر دیں گے۔اُلٹا آئی ایم ایف نے مزید ٹیکس لگانے تک اگلی قسط دینے سے ہی انکار کر دیا۔ دوست ممالک بھی پریشان۔ تو پھر مفتاح کو بلی چڑھا کر صرف وزیر بننا مقصود تھا؟
— Mustafa Nawaz Khokhar (@mustafa_nawazk) December 4, 2022
انہوں نے کہا ہے کہ اس سلسلے میں صرف آج کے اخبارات پر ہی نظر ڈال لیں تو کافی ہے۔ انگریزی اخبار ایکسپریس اور جنگ اخبار کا صفحۂ اول پر ہی نظر ڈال لیں ۔اس کے علاؤہ ڈان اخبار نے بھی اپنی اخبار میں بیرونی قرضوں کی ادائیگی پر مشکلات کا خدشہ ظاہر کیا ہے۔
اس ضمن میں صرف آج کے اخبارات ہی پر نظر ڈال لیں۔ جنگ اخبار کا صفحۂ اوّل اور انگریزی اخبار ایکسپریس پر۔ ڈان اخبار نے بھی بیرونی قرضوں کی ادائیگی پر مشکلات کا ذکر کیا ہے۔ pic.twitter.com/9C4LEs8b2R
— Mustafa Nawaz Khokhar (@mustafa_nawazk) December 4, 2022
