عمران خان جو کہیں گے وہ ہو گا، یہ اٹل ہے، مونس الٰہی

لاہور : (ہم دوست نیوز)سابق وفاقی وزیر اور وزیراعلیٰ پنجاب چوہدری پرویز الٰہی کے بیٹے مونس الٰہی نے ق لیگ کے سربراہ چوہدری شجاعت حسین کے ساتھ ملاقات نہ ہونے کے حوالے سے اظہار خیال کردیا ہے۔

تفصیلات کے مطابق ذرائع نے بتایا ہے کہ وی لاگرز نے مونس الٰہی سے وزیراعلی ہاؤس پنجاب میں ملاقات کی، اس موقع پر مونس الٰہی نے کہا کہ سابق وزیراعظم عمران خان جو کہیں گے وہی گا، یہ طے ہے، انتخابات کے مطالبے پر کوئی سمجھوتا نہیں کیا جائے گا، موجودہ سیاسی صورت حال کا واحد حل انتخابات ہیں۔

مونس الٰہی نے نیب قوانین میں ترامیم کی حمایت کردی

ذرائع کے مطابق مونس الٰہی نے کہا کہ کچھ لوگ شاید نہیں چاہتے کہ تحریک انصاف اور مسلم لیگ ق ساتھ چلیں لیکن ہم مستقبل میں بھی پی ٹی آئی کے ساتھ رہنا چاہتے ہیں۔

اس موقع پر مونس الٰہی کا کہنا تھا کہ میرے والد چوہدری پرویز الٰہی چیئرمین پی ٹی آئی عمران خان کے ساتھ دیرپا چلنا چاہتے ہیں، چوہدری پرویز الٰہی، حسین الٰہی اور میں ہم سب مشاورت سے فیصلے کرتے ہیں۔

ذرائع کا مزید کہنا ہے کہ مونس الٰہی نے بتایا ہے کہ چوہدری شجاعت حسین اور چوہدری پرویز الٰہی کا رابطہ بحال ہو گیا ہے، لیکن میری اپنے ماموں شجاعت حسین سے اس دن کے بعد ملاقات نہیں ہوئی جس دن میں اسمبلی سے ملاقات کے لیے روانہ ہوا تھا۔