(ہم دوست نیوز):یوٹیلیٹی اسٹورز پر نوڈلز ، دودھ، گھی،کیچپ، بسکٹ، جام اور خشک دودھ سمیت متعدد اشیاء کی قیمتوں میں بڑا اضافہ کر دیا گیا ہے۔ان اشیاء کی قیمتوں میں ہوشربا اضافے کا نوٹیفکیشن بھی جاری کر دیا گیا ہے۔
جاری کردہ نوٹیفکیشن کے مطابق یوٹیلیٹی اسٹورز پر برانڈڈ گھی کی قیمت میں 71 روپے فی کلو اضافہ کر دیا گیا ہے جس کے بعد برانڈڈ گھی کی قیمت اب 397 روپے سے بڑھ کر 468 روپے ہو گئی ہے۔
800 گرام خشک دودھ کے ڈبے کی قیمت میں 120 روپے تک کا اضافہ ہو گیا ہے ، جس کے بعد 800 گرام خشک دودھ کے ڈبے کی قیمت 1690 سے بڑھ کر1810 روپے تک پہنچ گئی ہے ۔ اسی طرح 200 گرام ملک کریم کی قیمت میں 21 روپے تک اضافہ کیاگیا ہے جس کے بعد اس کی قیمت 153 روپے سے بڑھ کر 174 روپے ہوگئی ہے ۔
یوٹیلیٹی اسٹورز پر بھی اشیائے ضروریہ کی قیمتوں میں اضافہ ہو گیا
اسی طرح ایک کلو برانڈڈ دیسی گھی کی قیمت میں 220 روپے کا اضافہ کیا گیا ہے ، جس کے بعد برانڈڈ دیسی گھی 1200 روپے سے بڑھ کر 1420 روپے کا ہو چکا ہے ۔
4 پیک والے نوڈلز کی قیمت 207 روپے سے بڑھا کر 227 روپے کر دی گئی ہے۔
800 گرام ٹماٹو کیچپ کی قیمت میں 30 روپے کا اضافہ کیا گیا جو کہ 288 روپے سے بڑھ کر 318 روپے کا ہوگیا ہے۔ 800 گرام نمک کی قیمت میں 10 روپے تک کا اضافہ ہوا ہے ، جبکہ 440 گرام مینگو اور سیب کے جام کی قیمت میں 29 روپے کا اضافہ کیا گیا ہے ۔
مختلف برانڈز کے ٹوائلٹ سوپ ، مصالحہ جات اور بسکٹ کی قیمتوں میں بھی اضافہ کیا گیا ہے ۔
