(ہم دوست نیوز): سابق وفاقی وزیر اور پاکستان تحریک انصاف کے سینئر رہنما فواد چوہدری نے کہا ہے کہ امپورٹڈ حکومت کے اکابرین انتخابات نہیں چاہتے ،لیکن پاکستان کو کیسے چلانا ہے کوئی پتہ نہیں ، بیرونی دورے کرنے اور وزیر بنانے سے ملک نہیں چلتے ، یہ انتہائی مشکل کام ہے ، جس کی اہلیت ان حکمرانوں کے پاس نہیں ہے ، اس وقت ملک کو سیاسی استحکام کی ضرورت ہے اور یہ مستحکم حکومت کے بغیر ممکن نہیں۔
امپورٹڈ حکومت کے اکابرین الیکشن نہیں چاہتے لیکن ملک کیسے چلانا ہے کوئ پتہ نہیں صرف وزیر بنانا اور بیرونی دورے کرنے سے ملک نہیں چلتے یہ ایک پیچیدہ اور مشکل کام ہے جس کی اھلیت ان حکمرانوں میں نہیں ، پاکستان کو سیاسی استحکام کی ضرورت ہے اور یہ مستحکم حکومت کے بغیر ممکن نہیں،(جاری)
— Ch Fawad Hussain (@fawadchaudhry) December 11, 2022
اگر امپورٹڈ حکومت 20 دسمبر تک ملک بھر میں عام الیکشن کا کوئی حتمی فارمولا لے کر نہیں آتی تو پھر پنجاب اور خیبر پختونخواہ اسمبلیاں تحلیل کر دی جائیں گی اور پنجاب اور کے پی کے میں 20 مارچ سے پہلے عام الیکشن کا عمل مکمل ہو جائے گا۔ اس سلسلے میں ہمیں اتحادیوں کا اعتماد حاصل ہے ۔
اگر PDM بیس دسمبر تک ملک بھر میں عام انتخابات کا کوئ حتمی فارمولا سامنے نہیں لاتی تو پنجاب اور خیبر پختونخواہ اسمبلیاں تحلیل کر دی جائیں گی اور پنجاب اور خیبر پختونخواہ میں بیس مارچ سے پہلے عام انتخابات کا عمل مکمل ہو گا۔ اس ضمن میں اتحادیوں کا مکمل اعتماد حاصل ہے
— Ch Fawad Hussain (@fawadchaudhry) December 11, 2022
