کراچی : ( ہم دوست نیوز) کراچی میں آج سے 16 جنوری کے دوران کولڈ ویو کی شدت کی پیش گوئی کی گئی ہے، کراچی کے نواحی علاقوں میں درجہ حرارت 3 سے 5 ڈگری سینٹی گریڈ تک گر جانے کا امکان ہے۔
دوسری جانب ملکہ کوہسار مری میں شدید برف باری کا سلسلہ تھم گیا ہے جب کہ سردی کی شدت میں مزید اضافہ ہو گیا ہے۔
پانی جم جانے سے مری میں پائپ لائنوں میں شہریوں کو پانی کےحصول میں شدید مشکلات کا سامنا ہے۔
دوسری جانب پنجاب کے مختلف شہروں میں بھی دھند برقرار رہے گی، موٹر وے ایم 2 لاہور سے خانقاہ ڈوگرہ تک بند کر دی گئی ہے۔
موٹروے پولیس نے فیض پور سے جڑانوالہ تک اور ایم 11 لاہور سے سمبڑیال تک کو ٹریفک کے لیے بند کر دیا ہے۔
