ینگ ڈاکٹرز کی گرفتاریوں پر احتجاج

کوئٹہ( ہم دوست نیوز) سرکاری اسپتالوں میں ینگ ڈاکٹروں کا ساتھی ڈاکٹروں کی گرفتاری کے خلاف احتجاج جاری۔

تفصیلات کے مطابق کوئٹہ کے سرکاری اسپتالوں میں ینگ ڈاکٹروں کا ساتھی ڈاکٹروں کی گرفتاری کے خلاف احتجاج جاری، جس کے باعث 4 روز سے ایمرجنسی سروسز بھی بند ہیں۔ احتجاج کے باعث مریضوں کو شدید مشکلات کا سامنا۔

ینگ ڈاکٹرز نے پولیس کی موجودگی میں کام سے انکار کرتے ہوئے کہا ہے کہ اب تک 55 ڈاکٹرز اور پیرامیڈیکس کو گرفتار کیا جاچکا ہے۔ حکومت نے مطالبات کے حوالے سے معاہدے کیے لیکن عملدرآمد نہیں کیا۔ینگ ڈاکٹرز کی جانب سے سیکرٹری صحت بلوچستان کو عہدے سے ہٹانے کا مطالبہ کیا گیا ہے۔

Leave a Reply