کیلیفورنیا: ( ہم دوست نیوز) امریکی خلائی ادارے نے چاند کی پہاڑی کو اپنی خاتون سائنس دان کے ساتھ منسوب کر دیا ، یہ پہاڑی جنوبی قطب پر ایک شہابی تصادم کی وجہ سے پیدا ہوئی تھی۔
ناسا کی جانب سے پہاڑی کی طرح کی ساخت رکھنے والی اس جگہ کو سائنس دان’مونس موٹن‘ کا نام دیا گیا ہے ، یہ نام دراصل ناسا کی خاتون سائنس دان میلبا روئے موٹن کے نام پر رکھا ہے ۔
حال ہی میں ناسا کے وائپر مشن کے ماہرین نے چاند کی پہاڑی کو باقاعدہ نام دینے کی تجویز دے رکھی ہے۔
وائپر پروگرام کے ماہرین کے مطابق انٹرنیشنل اسٹرونومیکل یونین کو میلبا موٹن پہاڑی کا نام بھجوا گیا ہے جس کو جلد ہی منظور کرلیا جائے گا، ناسا کے کئی اہم ترین مشنز میں انتہائی غیر معمولی کردار ادا کرنے والی میلبا روئے موٹن کا 1990ء میں انتقال ہو گیا تھا ۔
