سان فرانسسکو : ( ہم دوست نیوز ) فیس بک کی مالک کمپنی میٹا نے معاشی دباؤ کی وجہ سے رواں سال مزید 10 ہزار ملازمین کو برطرف کرنے کا فیصلہ کر لیا ہے ۔
میٹا کے سربراہ مارک زکربرگ نے اپنے ملازمین کے نام ای میل میں کہا ہے کہ میٹا کمپنی اگلے چند ماہ میں دس ہزار ملازمتیں ختم کرے گی۔
میٹا سربراہ کا کہنا ہے کہ ملازمین کی کٹوتیاں مڈل منیجمنٹ سطح سے شروع کی جائیں گی، زیادہ تر کٹوتیوں کا اعلان اپریل و مئی کے مہینوں میں کیا جائے گا اور چند معاملات اس سال کے آخر تک جاری رہیں گے ۔
