بیجنگ:(ہم دوست نیوز) سائبر سیکیورٹی محققین کی جانب سے لوگوں کو خبردار کردیا گیا ہے کہ ویڈیو شیئرنگ ایپلیکیشن ٹِک ٹاک کو مبینہ طور پر ہیک کیے جانے کی کوشش کی گئی ہے ،جس میں دنیا بھر کے ایک ارب سے زیادہ افراد فر کا ڈیٹا سامنے آنے کا امکان ہے۔
تفصیلات کے مطابق ڈیٹا لیک ہونے کے حوالے سے رپورٹس پہلے مشہور ہیکنگ فورم پر سامنے لائی جائیں گی، ہیکرز کی طرف سے ایک غیر محفوظ سرور میں داخل ہونے کا دعویٰ کیاگیا تھا کہ جس میں ٹِک ٹاک صارفین کی ذاتی معلومات بھی تھیں۔
ان رپورٹس کی تصدیق ایسے وقت میں سامنے آئی ہے کہ جب مائیکروسافٹ کی جانب سے ٹِک ٹاک کی اینڈرائیڈ ایپ کی کمزور سیکیورٹی سے متعلق انتباہ جاری کیا گیا ہے، جس میں بتایا گیا ہے کہ حملہ آور ایک لنک کی مدد سے صارفین کے اکاؤنٹس تک پہنچ سکتے ہیں۔
حکومت پاکستان کی بھی ٹک ٹاک پر انٹری
مبینہ ہیکروں کی طرف سے بھی دعویٰ کیا گیا ہے کہ ان کو ٹِک ٹاک صارفین کے تقریباً 34 جی بی ڈیٹا تک رسائی مل گئی ہے۔
بریچ فورمز کے میسج بورڈ پر اگینسٹ دی ویسٹ نامی ایک صارف نے لکھا کہ “اب ہم نے فیصلہ کرنا ہے کہ ڈیٹا کو عوام میں جاری کرنا ہے یا پھر بیچنا ہے۔”
انہوں نے مزید بتایا کہ “تقریباً 1.37 ارب اکاؤنٹ کا ڈیٹا حاصل کیا ہو گیا ہے۔ جبکہ ان اکاؤنٹس کا تعلق کسی ایک ملک سے نہیں بلکہ دنیا بھر کے لوگوں سے ہے اور اس ڈیٹا میں کم عمر لوگوں کی ایک بڑی تعداد کا مواد بھی موجود ہے۔
