( ہم دوست نیوز)!بالی وڈ کی معروف ڈانسر اور اداکارہ راکھی ساونت نے کہا ہے کہ انہوں نے کلمہ پڑھ لیا ہے اور نماز پڑھنا اب ان کا فرض بنتا ہے۔
سوشل میڈیا پر راکھی ساونت کی ایک ویڈیو وائرل ہوئی ہے جس میں انہوں نے صحافی کے سوال کا جواب دیتے ہوئے کہا ہے کہ وہ نماز پڑھتی ہیں۔
بھارتی صحافی سے گفتگو کے دوران راکھی ساونت نے یہ بھی کہا کہ ’میرے شوہر مسلمان ہیں اور میں نے کلمہ پڑھ لیا ہے تو نماز پڑھنا اب میرا فرض ہے ، میں نماز پڑھتی ہوں اور اپنے خدا سے دعا کرتی ہوں، مجھے اس کام سے کوئی نہیں روک سکتا‘۔
اس سے قبل میڈیا سے گفتگو کرتے ہوئے راکھی ساونت نے یہ بھی بتایا تھا کہ وہ اپنے شوہر عادل خان درانی کے ساتھ ہنی مون سے پہلے عمرہ ادائیگی کے لیے بھی جائیں گی۔
