مسقط:(ویب ڈیسک )پاکستان کی معروف ٹک ٹاکر و یوٹیوبر علیزے سحر نے اپنی قابل اعتراض ویڈیو لیک کرنے والے شخص کے بارے میں بتا دیا ۔
تفصیلات کے مطابق یوٹیوبر علیزے سحر نے اپنا ویڈیو بیان جاری کرتے ہوئے کہا کہ گزشتہ تین دنوں سے میرے بارے میں بہت باتیں ہو رہی ہیں ، آج میں اس آدمی کے بارے میں بھی بتاﺅں گی جس نے ویڈیو لیک کی ہے ، جب ننگا ہی کر دیاہے تو پھر ٹھیک ہے۔
علیزے کا کہنا تھا کہ مجھے ویڈیو لیک ہونے کے بارے میں تین روز قبل رات 11 بجے پتا چلا، اگلے ہی روز ملتان میں سائبر کرائم کے دفتر گئی، صبح سے شام تک وہاں رہی، میرے ساتھ تعاون اور بہت سپورٹ کیا گیا ،لیکن اس شخص کے بارے میں کوئی سخت ایکشن نہیں لیا گیا ،جس نے ویڈیو بنائی اور لیک کی اس کی کالز کی تفصیل اور تصاویر نکالی گئیں ہیں
ٹک ٹاکر کا مزید کہنا تھا کہ ویڈیو لیک کرنے والے شخص کا تعلق اوکاڑہ سے اور اس وقت قطر میں ہے ، سائبر کرائم کی ان سے بات ہوئی، اس نے کہا کہ میں نے ویڈیو ایڈٹ ضرورکی ہے لیکن اپ لوڈ نہیں کی۔
سوشل میڈیا اسٹار علیزے سحر کا مزید کہنا تھا کہ میں نے 2017 سے محنت کر رہی ہوں اور اپنی محنت سے کامیاب ہوئی ہوں،جو مجھے سپورٹ کررہے ہیں ان کا بہت زیادہ شکریہ اداکرتی ہوں ، میں اس طرح کی نہیں ہوں، جس طرح کی بھی ہوں آپ کے سامنے ہوں۔
جذباتی ویڈیو پیغام میں انہوں نے کیا مختلف انٹرویوز میں میرے بارے میں بکواس کی جارہی ہے ، مجھے بلیک میل کیا جارہا تھا ، جب سے یوٹیوب پر آئی ہوں تو شروع دن سے ہی بلیک میل کیا جارہاہے ۔
انہوں نے مزید کہا کہ میری فیملی نے مجھے سپورٹ بھی کیا ، فیملی کو پتا ہے کہ میں کس طرح کی لڑکی ہوں ، اگر ویڈیو لیک کرنے والا شخص پاکستان میں ہوتا تو میں نے اسے چھوڑنا نہیں تھا ۔
انہوں نے دبنگ انداز اپناتے ہوئے کہا کہ اب جو بھی میرے خلاف بکواس کرے گا میری اگلی ویڈیو اس کے بارے میں ہوگی ، جب ننگا کر ہی دیا ہے تو پھر شرم کیسی ، میں سڑک پر نکل آﺅں گی ۔
