(ہم دوست نیوز): ٹک ٹاک ایپلیکیشن پر دنیا بھر میں سب سے زیادہ فالوورز رکھنے والے ٹک ٹاکر خابی لیم کی کمائی سے متعلق معلومات نے سب کو حیرت زدہ کر دیا ہے۔
غیر ملکی میڈیا “فارچون” ‘ کو خصوصی انٹرویو کے دوران خابی لیم نے ٹک ٹاک ویڈیوز سے ہونے والی اپنی کمائی سے متعلق بھی بتایا۔فارچون میں شائع کی جانے والی رپورٹ کے مطابق مسلم ، حافظ قرآن ٹک ٹاکر خابی لیم کو ہر اسپانسر شدہ ویڈیو کے بدلے میں تقریباً 400,000 امریکی ڈالرز ملتے ہیں۔جو کہ پاکستانی تقریباً 9 کروڑ 68 لاکھ روپے بنتے ہیں۔
آسکر جیتنے کی خواہش رکھنے والے خابی لیم کے مطابق اُن کی زیادہ تر کمائی مختلف برانڈز کیلئے بنائی گئی ویڈیوز کے ذریعے ہی ہوتی ہے۔
کابی لامے ٹک ٹاک پر سب سے زیادہ فالو کی جانے والی شخصیت بن گئے
خیال رہے کہ خابی لیم کا تعلق سینیگال سے ہے تاہم وہ اٹلی میں رہائش پذیر ہیں۔ان کو اداکاری کا بھی بہت شوق ہے اور جَلد ہی انگریزی زبان پر عبور حاصل کر کے ہالی ووڈ میں کام کرنے کے بھی خواہشمند ہیں۔
خابی لیم کو 2022ء میں مختصر ویڈیو اپلوڈنگ ایپلیکیشن ٹک ٹاک پر دنیا بھر میں سب سے زیادہ فالو کیے جانے والی شخصیت کا اعزاز بھی حاصل ہے۔
خیال رہے کہ ٹِک ٹاک پر خابی لیم کے 150 ملین فالوورز ہیں جبکہ سوشل میڈیا سائٹ انسٹا گرام پر ان کے 79.5 ملین فالوورز ہیں۔
“ٹک ٹاکر خابی لیم اسپانسر ویڈیو سے کتنا کما لیتے ہیں؟” ایک تبصرہ