(ہم دوست نیوز): بھارت کے نامور اداکار سدھارتھ ملہوترا اور اجے دیوگن کی نئی آنے والی کامیڈی فلم “تھینک گاڈ “ریلیز سے پہلے ہی مشکلات کا شکار ہو گئی۔
تفصیلات کے مطابق بھارتی ریاست مدھیہ پردیش سے تعلق رکھنے والے بھارتیہ جنتہ پارٹی کے وزیر تعلیم وشواس سارنگ کی طرف سے وزیر اطلاعات و نشریات کو درخواست دی گئی ہے کہ فلم تھینک گاڈ پر پابندی عائد کی جائے۔
رپورٹس کے مطابق ریاستی وزیر تعلیم وشواس سارنگ نے وزیر اطلاعات و نشریات کو خط لکھا ، جس میں دعویٰ کیا ہے کہ معروف اداکاروں کی آنے والی کامیڈی فلم “تھینک گاڈ” میں ہندو دیوتاؤں
کا مذاق اڑایا گیا اور دیوتاؤں کے حوالے سے نامناسب طریقوں سے منظر کشی کی گئی ہے، تاہم وزیر اطلاعات و نشریات کی طرف سے
اس سلسلے میں تاحال کوئی ردعمل سامنے نہیں آیا۔
اجے دیوگن کی فلم ” تھینک گاڈ ” مشکل کا شکار
خیال رہے کہ فلم “تھینک گوڈ” کامیڈی سے بھرپور ایک تفریحی فلم ہے جس میں سدھارتھ ملہوترا ، اجے دیوگن اور راکل پریت سنگھ مرکزی کردار ادا کر رہے ہیں۔
اس فلم کی کہانی ایک عام شخص کے گرد گھومتی ہے جو کہ ایک حادثے میں مر جاتا ہے اور یہ کردار سدھارتھ ملہوترا ادا کرتا ہے اور پھر وہ زندگی اور موت کے درمیان ایک الگ ہی دنیا میں چلا جاتاہے ، وہاں اس کی ملاقات اجے دیوگن سے ہوتی ہے اور اجے دیوگن ، سدھارتھ
ملہوترا کے ساتھ گیم آف لائف کھیلتا ہے۔
