جکارتہ:(ہم دوست نیوز) انڈونیشیا کے جنگل میں چہل قدمی کرتے ایک شخص کا ایک حیرت انگیز پھول سے واسطہ پڑ گیا، کہا جاتا ہے کہ اس پھول سے مردے کی طرح بدبو آتی ہے۔
سماجی رابطے کی ویب سائٹ ٹوئٹر پر شیئر کی گئی ایک ویڈیو میں دیکھا جاسکتا ہے کہ انڈونیشیا کے جنگل سے گزرتے ہوئے ایک شخص کو
نایاب ترین پھول نظر آیا، جس کو “گلِ نعش ” بھی کہا جاتا ہے، البتہ اس پھول کا سائنسی نام ” ریفلیشیا ارنولڈائی” ہے، جوکہ دنیا کا سب سے بڑا پھول ہے۔
اس پھول کی دلچسپ بات یہ ہے کہ یہ پھول صرف چند ہی دنوں کیلئے کھلتا ہے اور اس سے بہت زیادہ بدبو آتی ہے، اسی لئے اس کو گل نعش بھی کہا جاتا ہے۔
A man came across this rare flower while walking through an Indonesian forest. The rafflesia arnoldii is the largest flower in the world & only blooms for a couple of days. It is colloquially known as a corpse flower for the overpoweringly stinky odor it emits while mid-bloom. pic.twitter.com/LJmJDgfpqd
— NowThis (@nowthisnews) September 28, 2022
خیال رہے کہ یہ پھول زیادہ تر انڈونیشیا کے برساتی جنگلات میں پایا جاتا ہے اور یہ پھول 3 فٹ تک بڑھ سکتا ہے،جس کا وزن 15 پاؤنڈ تک ہو سکتا ہے۔
شیئر کردہ ویڈیو میں دیکھا جاسکتا ہے کہ یہ دیوہیکل پھول جنگل میں زمین پر پڑا ہوا ہے، سرخ پھول اور پورا کھلا ہوا ، جس پر سفید رنگ کے دھبے ہیں اور اس کی 5 پنکھڑیاں ہیں۔
