ممبئی:(ہم دوست نیوز) بالی ووڈ کی نامور اداکارہ پریانکا چوپڑا کو احتجاج کرنیوالی ایرانی خواتین کی حمایت مہنگی پڑ گئی ہے۔
تفصیلات کے مطابق پریانکا چوپڑا نے ایک بیان جاری کرتے ہوئے ایرانی خواتین کی تعریف کی اور مطالبہ کیا تھا کہ ہر کسی کو اس اہم موقع پر ان خواتین کی آواز بننا چاہیئے۔
سوشل میڈیا کے کچھ صارفین نے پریانکا کے بیان کی حمایت کی ہے اور کافی سارے صارفین کو اداکارہ کا بیان پسند نہیں آیا۔
پریانکا چوپڑا نے نام تبدیل کرنے کی وجہ بتا دی
صارفین نے کہا کہ اداکارہ نے بھارت میں موجود مسائل پر تو کبھی آواز نہیں اٹھائی اور اب ایرانی خواتین کی حمایت کر رہی ہیں ،یہ کھلی منافقت ہے۔
ایک صارف نے اپنی ٹوئٹ میں کہا کہ پریانکا چوپڑا کو ایرانی خواتین کی تو بڑی فکر ہے لیکن بلقیس بانو کے معاملے پر وہ بالکل چپ تھیں۔ جبکہ
بعض صارفین کا کہنا تھا کہ انڈیا میں رہنے والے مسلمانوں کے ساتھ حکومتی سرپرستی میں مظالم ہورہے ہیں لیکن اداکارہ نے کبھی ان معاملات پر آواز نہیں اٹھائی۔
