( ہم دوست نیوز) بالی ووڈ کے فلم اسٹار شاہ رخ خان کے مخالفین ان کو مستحق ہندو خاندان کی مالی امداد پر بھی شدید تنقید کا نشانہ بنارہے ہیں۔
سپر اسٹار شاہ رخ خان نے اپنے مرحوم والد میر تاج محمد خان کے نام پر ایک فلاحی تنظیم جس کا نام میر فاؤنڈیشن ہے قائم کر رکھی ہے۔
میر فاؤنڈیشن بھارت میں پسماندہ خاندانوں ، خواتین اور بچوں کو مالی امداد فراہم کرنے کے لیے مختلف منصوبوں میں تعاون کرتی رہتی ہے۔
چند روز قبل بھی بھارت کے دارالحکومت نئی دہلی میں انجلی سنگھ نامی ایک نوجوان لڑکی کو گاڑی سے گھسیٹ کر قتل کردیا گیا تھا۔
انجلی سنگھ اپنے گھر والوں کی واحد کفیل تھی۔ اسی بات کو مدنظر رکھتے ہوئے سپر اسٹار شاہ رخ خان کی فلاحی تنظیم نے لڑکی کے گھر والوں کی مالی امداد کی تھی لیکن یہ امداد بھی فلم اسٹار شاہ رخ خان کے گلے پڑ گئی ہے ۔
سوشل میڈیا پر سپر اسٹار شاہ رخ خان کے ناقدین نے یہ کہنا شروع کردیا ہوا ہے کہ فلم اسٹار شاہ رخ خان کی این جی او نے صرف اس لیے ایسا کیا ہے تاکہ ان کی ریلیز ہونے والی نئی فلم ’پٹھان‘ کو اچھا رسپانس مل سکے۔
شاہ رخ خان کی کار تلے روندی جانے والی لڑکی کے ورثاء کی امداد
