( ہم دوست نیوز) ماں کا کوئی نعم البدل نہیں اور ماں کی جدائی کا غم بھلانا ناممکن ہے، ایسا ہی ایک واقعہ الجزائر میں پیش آیا ہے، جہاں 1 نوجوان نے ماں کی جدائی کے غم میں قبر کے پاس ہی اپنا مسکن بنالیا ہے ۔
الجزائر سے تعلق رکھنےوالے ایک نوجوان نے اپنی ماں کی وفات کے بعد دنیا سے الگ ہو کر قبرستان میں ہی رہنا شروع کردیا ، جس کی ویڈیو سوشل میڈیا پر بھی تیزی سے وائرل ہو رہی ہے۔
رپورٹ میں یہ بھی بتایا گیا ہے کہ جنوبی الجزائر کے صوبے ادرار کا اسماعیل نامی نوجوان اپنی والدہ کی وفات کے دو سال بعد سے اب تک قبرستان میں رہ رہا ہے اس نوجوان کے قبرستان سے کچھ مناظر بھی عرب میڈیا کی رپورٹس میں شیئر کیے گئے ہیں ۔
رپورٹ کے مطابق نوجوان کی والدہ 2 سال پہلے وفات پاگئی تھیں، ماں سے جدائی کے غم میں مبتلا اس نوجوان نے اپنی والدہ کی قبر پر ہی رہنے کا فیصلے کر لیا اور جب سے لے کر اب تک اسماعیل اپنی والدہ کی قبر کے پاس ہی رہ رہا ہے ۔
