لاہور: ( ہم دوست نیوز ) سینئر سیاست دان جہانگیر ترین سیاسی کھلاڑیوں کی سنچری مکمل کر لینے کے انتہائی قریب پہنچ گئے۔
70 سے زیادہ موجودہ اور سابق اراکین قومی اور صوبائی اسمبلی نے جہانگیر ترین کی نئی ٹیم میں شامل ہونے کی حامی بھری ہے ۔
ذرائع کا کہنا ہے کہ جہانگیر ترین آئندہ ہفتے اپنی پارٹی کے قیام کا اعلان کریں گے ، جہانگیر ترین پارٹی کے قیام کا اعلان ایک پریس کانفرنس میں کریں گے، قومی و صوبائی اسمبلی کے اراکین کی سنچری مکمل ہونے پر پارٹی کے قیام کا اعلان کیا جائے گا، جہانگیر ترین نے اسلام آباد اور لاہور میں اہم ملاقاتیں کی ہیں۔
ذرائع کا یہ بھی کہنا ہے کہ آج بھی لاہور میں اہم سیاسی شخصیات کی جہانگیر ترین سے ملاقات متوقع ہے ، آزاد کشمیر کے سابق وزیر اعظم سردار تنویر الیاس کی جہانگیر ترین سے ملاقات کا بھی جلد امکان ہے۔
