کوئٹہ:( ہم دوست نیوز ) سابق وزیر اعلیٰ پنجاب اور پاکستان تحریک انصاف کے سینئر رہنما عثمان بزدار نے سیاست سے دست برداری کا اعلان کردیا ہے ۔
کوئٹہ میں ایک پریس کانفرنس کرتے ہوئے سابق وزیر اعلی پنجاب عثمان بزدار کا کہنا تھا کہ 9 مئی کے واقعات کی شدید مذمت کرتا ہوں، ہم نے ہمیشہ شرافت کی سیاست ہی کی ہے ، جن تنصیبات کو آگ لگی وہ ملکی ادارے تھے۔
انہوں نے کہا کہ ہم پاک فوج کے ساتھ کھڑے ہیں اور ساتھ کھڑے رہیں گے، تمام سٹیک ہولڈرز سے گزارش کرتا ہوں کہ ملک کے بہتر مستقبل کا سوچیں۔
عثمان بزدار کا یہ بھی کہنا تھا کہ 3 سال پنجاب کی عوام کی خدمت کی ہے، میں نے ہمیشہ شرافت کی سیاست کو ہی فروغ دیا ہے جب کہ 14ماہ سے میں کیسز کا سامنا کر رہا ہوں۔
