پیرس: ( ہم دوست نیوز ) فرانس میں نئے عالمی مالیاتی معاہدے کے حوالے سے سربراہی اجلاس میں وزیراعظم میاں محمد شہباز شریف نے سعودی عرب کے ولی عہد اور وزیر اعظم شہزادہ محمد بن سلمان سے ملاقات کی ہے ۔
ملاقات میں وزیراعظم میاں محمد شہباز شریف نے سعودی فرمانروا شاہ سلمان بن عبد العزیز کے لیے نیک تمناؤں اور خواہشات کا اظہار کیاہے ، شہزادہ محمد بن سلمان نے بھی پاکستان کی عوام اور حکومت کے لیے خیرسگالی کے جذبات کا اظہار کیاہے ۔
دونوں راہنماؤں نے دو طرفہ تعاون کے فروغ کو فروغ دینے کے لیے اشتراک عمل کو مزید بڑھانے پر اتفاق کیاہے ، دونوں راہنماؤں کی طرف سے باہمی دل چسپی کے امور پر تبادلہ خیال بھی کیا گیا ۔
