اسلام آباد: ( ہم دوست نیوز ) وزیر اعظم آف پاکستان شہباز شریف نے احتساب ریفرنس میں میاں محمد نواز شریف کی بریت پر اظہار تشکر ادا کیا۔
اپنے ایک بیان میں وزیر اعظم شہباز شریف نے کہا ہے کہ اللہ تعالیٰ کا شکر ہے کہ نواز شریف کو انصاف مل گیا ہے، احتساب عدالت کا فیصلہ گواہی دیتا ہے کہ نواز شریف کو سیاسی طور پر نقصان پہنچانے کی خاطر جان بوجھ کر جھوٹے مقدمے میں ملوث کیا گیا، عدالت نے یہ بھی تسلیم کیا ہے کہ نواز شریف لاہور ہائیکورٹ اور حکومت کی اجازت سے بیرون ملک گئے تھے۔
انہوں نے مزید یہ بھی کہا ہے کہ نواز شریف کو مبارک باد پیش کرتا ہوں کہ اللہ نے جھوٹ پر مبنی ایک اور مقدمے میں ان کو سرخرو کیا، امید ہے کہ میاں محمد نواز شریف کے ساتھ سیاسی مقاصد کی خاطر جو ظلم و زیادتی ہوئی اس میں ان کو مکمل انصاف ملے گا۔
