لاہور 🙁 ہم دوست نیوز) صوبائی دارالحکومت لاہور کی سیشن کورٹ میں فائرنگ سے ایک خاتون سمیت 2 افراد جاں بحق ہوگئے ہیں ۔
سیشن کورٹ میں پیشی کے موقع پر مخالفین کی فائرنگ کے نتیجے میں خاتون سمیت 2 افراد جان کی بازی ہار گئے ہیں ، واقعہ کی اطلاع پر پولیس ٹیم اور ریسکیو ٹیمیں سیشن کورٹ پہنچ گئی۔
پولیس ذرائع کے مطابق ریسکیو ٹیموں نے دونوں افراد کو شدید زخمی حالت میں اسپتال منتقل کر دیا تھا تاہم وہ جان بر نہیں ہو سکے ، جاں بحق ہونے والوں کو 9 گولیاں لگی تھیں ۔
پولیس ذرائع کے مطابق سیشن کورٹ میں فائرنگ کرنے والے دونوں ملزمان گرفتار کرلیے گئے ہیں ، ملزمان کو تھانہ اسلام پورہ منتقل کر دیا گیا ہے ۔
آئی جی پنجاب نے سیشن کورٹ میں ہونے والے فائرنگ کے واقعہ کا نوٹس لیتے ہوئے سی سی پی او لاہور سے جلد از جلد رپورٹ طلب کرلی ہے ۔
