قاہرہ : ( ہم دوست نیوز ) مصر کی حکومت نے اس سال موٹاپے سمیت دیگر بیماریوں کے شکار افراد کو حج پر جانے سے روکنے کا فیصلہ کر لیا ہے ۔
عرب میڈیا کے مطابق حج کے لیے دی جانے والی درخواستوں میں ان بیماریوں سے محفوظ ہونا بھی لازمی قرار دیا گیا ہے، مصر میں حج درخواستیں آئندہ 6 مارچ تک جمع کرائی جاسکتی ہیں ۔
وزارت داخلہ مصر نے اس سال مناسک حج ادا کرنے کے لیے متعدد گروپوں کے سفر پر پابندی کا فیصلہ بھی کیا ہے کیوں کہ ایسے افراد میں انفیکشن کے بہت زیادہ زیادہ خطرات موجود ہوتے ہیں۔
وزارت داخلہ مصر کے مطابق پابندی میں گردے کے وہ مریض بھی شامل ہیں جن کے علاج کے لیے ڈائیلاسز سیشنز کی ضرورت ہوتی ہے ، موٹاپے کے مریض، امراض قلب کے ایڈوانس کیسز،پھیپھڑوں کے فائبروسس ، جگر کی سروسس اور ٹیومر والے افراد شامل ہیں ۔ اس کے ساتھ ساتھ ذہنی مریض ، پہلے اور آخری مہینوں کی حاملہ خواتین اور الزائمر کے مریضوں کو بھی حج پر جانے سے روک دیا گیا ہے ۔
