ریاض: ( ہم دوست نیوز) سعودی عرب کی طائف گورنری میں ایک چھوٹے بچے نے لوہے کی چابی نگل لی ، تا ہم ڈاکٹروں نے بروقت طبی امداد دے کر بچے کی جان بچا لی ۔
غیر ملکی خبر رساں ایجنسی کا کہنا ہے کہ بچے کو انتہائی تشویش ناک حالت میں ہسپتال لایا گیا تھا ، جہاں ڈاکٹرز نے بچے کو ایمنرجنسی وارڈ میں منتقل کر دیا اور بچے کا ریڈیو لوجیکل ٹیسٹ کیا ، جس میں بچے کے جسم میں لوہے کی چابی کی تصدیق ہو گئی ، تاہم ڈاکٹروں کی بروقت طبی امداد نے چھوٹے بچے کی جان بچا لی ۔ ڈاکٹرز نے بچے کا لیپرواسکوپک آپریشن کر کے حیران کن طور پر لوہے کی چابی کو نکال دیا۔
بچے کا آپریشن کرنے والے ڈاکٹرز نے کہا ہے کہ فوری طور پر اینڈو اسکوپی کر دی گئی اور پھر غذائی نالی سے چابی کو نکال لیا گیا ، بچے کی حالت اس وقت اس قدر خراب تھی کہ بچہ موت کے قریب پہنچ چکا تھا۔
