دوبئی : ( ہم دوست نیوز ) حکومت پاکستان کی خصوصی درخواست پر یو اے ای کی حکومت نے اپنی مختلف جیلوں میں قید 325 پاکستانیوں کو رہا کردیا ہے ۔
میڈیا رپورٹس کے مطابق اس حوالے سے یو اے ای میں پاکستانی سفیر فیصل نیاز ترمذی نے کہا ہے کہ معمولی جرائم میں قید 325 پاکستانی رہا کر دیئے گئے ہیں۔
انہوں نے مزید کہا کہ ہم اماراتی صدر شیخ محمد بن زایدالنہیان کے خصوصی شکر گزار ہیں کہ وہ پاکستانیوں کو قانونی سروس فراہم کرنے کی کوشش کر رہے ہیں۔
علاوہ ازیں پاکستان سفارت خانہ ابوظبی کے زیر اہتمام افطار ڈنر پارٹی کا اہتمام کیا گیا ، جس میں ٹیچرز، ڈاکٹرز ، پاکستانی پائلٹس اور وکلاء نے شرکت کی۔
اس موقع پر پاکستان کے سفیر کا کہنا تھا کہ ابوظبی میں بھی پاکستانی برادری پاکستان کلچرل اینڈ میڈیکل سینٹر بنائے گی۔
