سعودی کاشتکار جعفر السالم نے الاحسا کے علاقے میں مختلف رنگوں کے بھٹے کی فصل اگانے میں کامیابی حاصل کی ہے۔
کاشتکار نے بتایا کہ’ پانچ برس قبل مختلف رنگو ں کے بھٹے کی فصل اگانا شروع کی تھی۔ ابتدا میں نارنجی اور سفید رنگ کی فصل اگانے میں کامیابی ملی۔ رفتہ رفتہ رنگوں کا اضافہ کرتا چلا گیا۔ اناری، سیاہ، سرخ، کاکٹیل اور عنابی رنگ کے بھٹوں کی کاشت کرنے لگا‘۔
جعفر السالم کا کہنا ہے کہ ’کاشکاری قلم کے ذریعےکی جاتی ہے۔ ہر تین چار سال میں بھٹے کی نئی قسم تیار کرنے میں کامیابی ملتی ہے۔ آئندہ برسوں کے دوران اس حوالے سے مزید قسموں کا اضافہ کرنے کا پروگرام ہے‘
