بھارت میں ہندو انتہا پسندوں نے گائے اسمگلنگ کا الزام لگا کر ایک اور مسلم نوجوان کو قتل کردیا۔
گائے اسمگلنگ کے الزام پر مسلم نوجوانوں پر تشدد کا واقعہ بھارتی ریاست اترپردیش میں پیش آیا۔
غیرملکی میڈیا رپورٹس کے مطابق انتہا پسندوں کے تشدد سے علی گڑھ سے تعلق رکھنے والا مسلم نوجوان شیرا زخموں کی تاب نہ لاتے ہوئے جاں بحق ہوگیا جبکہ واقعے میں 5 مسلم نوجوان شدید زخمی بھی ہوئے۔
میڈیا رپورٹس کے مطابق پولیس واقعے کے بعد پہنچی اور زخمیوں کو ڈسٹرکٹ اسپتال پہنچایا۔
میڈیا کے مطابق ایک ہندو پجاری کے اقبالِ جرم کی ویڈیو سامنے آئی ہے جبکہ بھارتی پولیس کا کہنا ہے کہ دو گروپوں کی لڑائی تھی، تفتیش کر رہے ہیں۔
