بھارت(ہم دوست نیوز) بھارتی پنجاب کے عوام نے وزیراعظم نریندر مودی کو جلسہ کرنے سے روک دیا۔
بھارتی میڈیا کی رپورٹ کے مطابق نریندر مودی کے پنجاب آمد کے موقع پر کسانوں نے شدید احتجاج کیا اور ضلع فیروزپور میں ان کے قافلے کا راستہ روک دیا۔
بھارتی میڈیا کے مطابق کسان مظاہرین کے احتجاج کے باعث وزیر اعظم مودی 20 منٹ تک بھٹنڈا شہر کے فلائی اوور پر پھنسے رہے۔
ریاستی حکومت کی جانب سے ناقص سیکیورٹی انتظامات پر وزیراعظم مودی اپنا دورہ ادھورا چھوڑ کر واپس روانہ ہوگئے۔
ایئرپورٹ پر مودی نے وزیراعلیٰ کو شکریہ کا پیغام بھجواتے ہوئے کہا کہ اپنے وزیراعلیٰ کو شکریہ کہنا چاہتا ہوں کہ میں ایئرپورٹ تک زندہ لوٹ پایا۔بھارتی وزیراعظم کو فیروز پور شہر میں کئی منصوبوں کا افتتاح اور ریلی سے خطاب کرنا تھا۔
