(ہم دوست نیوز):افغانستان کے بیرونِ ملک اربوں ڈالرز کے منجمد اثاثے جاری کرنے کیلئے طالبان اور امریکی حکام کے درمیان تجاویز کا تبادلہ کیا گیا ہے۔
تفصیلات کے مطابق دونوں ممالک کے حکام کے درمیان اثاثے جاری کرنے سے متعلق اہم اختلافات ابھی بھی برقرار ہیں۔
میڈیا رپورٹس کے مطابق طالبان کی طرف سے افغان مرکزی بینک میں اعلیٰ سیاسی تقرریوں کو بدلنے سے انکار کر دیاگیا ہے، جس پر امریکہ کو اعتراض ہے ۔
لندن میں مہنگائی کےخلاف عوام سراپا احتجاج، نعرے بازی
رپورٹس میں کہا گیا ہے کہ افغان مرکزی بینک میں تعینات طالبان کے ایک عہدے دار پر امریکہ کی طرف سے پابندیاں عائد ہیں۔امریکہ نے افغان اثاثوں کیلئے ٹرسٹ فنڈ قائم کرنے اور اسے کسی تیسرے فریق کو دینے کی تجویز دی ہے، جبکہ طالبان نے امریکہ کی اس تجویز کی مخالفت کردی ہے۔
رپورٹس میں بتایا گیا کہ امریکہ سوئٹزر لینڈ اور دیگر تمام فریقین سے افغان اثاثے جاری کرنے کے حوالے سے بات کر رہا ہے۔
واضح رہے کہ افغانستان کے امریکہ میں رکھے گئے 7 ارب ڈالرز سمیت بیرونِ ملک میں 9 ارب ڈالرز کے اثاثے منجمد پڑے ہوئے ہیں۔
