برطانیہ( ہم دوست نیوز)برطانوی وزیرِ اعظم بورس جانسن ملکہ برطانیہ کو استعفیٰ پیش کرنے کے لیے اسکاٹ لینڈ روانہ۔
تفصیلات کےمطابق وزیرِ اعظم بورس جانسن ملکہ برطانیہ کو استعفیٰ پیش کرنے کے لیے اسکاٹ لینڈ روانہ ہو گئے۔بورس جانسن نےاسکاٹ لینڈ روانگی سےقبل ڈاؤئنگ اسٹریٹ پر الوداعی خطاب میں کہاکہ نئی وزیرِ اعظم کو میری حمایت حاصل رہے گی،میں نے ’بوسٹر راکٹ‘ کی طرح اپنا کام مکمل کیا۔میری حکومت نےبریگزٹ کا عمل مکمل کیا،یورپ بھر کی نسبت برطانیہ میں تیزی سے ویکسین لگی۔
یہ بھی پڑھیں: یو اے ای میں شہری کو اس کی ایمانداری کا صلہ مل گیا
برطانوی وزیرِ اعظم کا مزید کہنا ہےکہ یوکرین کوہتھیاروں کی سپلائی میں اضافہ کیا،توانائی کا بحران پیدا کر کے پیوٹن ہمیں بلیک میل نہیں کر سکتا۔بورس جانسن کاکہنا ہےکہ ٹوری حکومت عوام کو اس بحران سےنکال لے گی۔یاد رہےکہ گزشتہ روز لز ٹرس برطانیہ کی نئی وزیرِ اعظم منتخب ہوئی تھیں۔نومنتخب وزیرِ اعظم لز ٹرس کو81 ہزار326ووٹ ملے تھے جبکہ ان کے حریف رشی سونک کو60ہزار 399ووٹ مل سکے۔
