روس کے پاس مغرب کو جواب دینے کیلئے بہت سے ہتھیار ہیں ، پیوٹن

(ہم دوست نیوز) : روس کے صدر ولادی میر پیوٹن نے مغرب کو خبردار کرتے ہوئے کہا ہے کہ روس کے پاس مغرب کو جواب دینے کیلئے بہت سے ہتھیار ہیں اور یہ سچ بات ہے۔

روس کے صدر پیوٹن نے ٹی وی پر خطاب کرتے ہوئے جزوی روسی افواج کو متحرک کرنے کا اعلان بھی کیا اور کہا کہ روس اپنے لوگوں کے دفاع کیلئے تمام وسائل استعمال کرے گا۔انہوں نے کہا کہ مغرب روس کیخلاف جارحیت میں تمام حدیں پار کر گیا ہے، جبکہ مغرب روس کیخلاف نیوکلیئر بلیک میلنگ میں بھی ملوث ہے۔

یوکرین نے ہمارے فوجیوں کو زہر دیا، روس کا دعویٰ

صدر پیوٹن نے مغرب کو شدید تنقید کا نشانہ بناتے ہوئے کہا کہ مغرب نے یوکرین کے شہریوں کو گولہ باری کا ایندھن بنانے کی کوشش کی ہے جبکہ ہمارا مقصد ڈونباس کو آزاد کروانا ہے۔انہوں نے مزید کہا کہ مغرب
روس اور یوکرین کے درمیان امن نہیں چاہتا اور نہ ہی روس یوکرین کے علیحدگی پسند علاقوں کے لوگوں کو تنہا چھوڑ سکتا ہے۔

روس کے صدر کے جزوی روسی افواج کو متحرک کرنے کے اعلان سے متعلق روسی وزیرِ دفاع نے بتایا ہے کہ روس 3 لاکھ ریزرو فورسز کو متحرک رکھے گا۔