ویتنام کا مشہور گولڈن گھر جس کے سنہرے رنگ کی حقیقت کوئی نہیں جانتا
ویتنام میں اس وقت ایک کاروباری شخصیت اپنے منفرد گھر کی وجہ سے توجہ کا مرکز بنی ہوئی ہے- اس گھر کے اندرونی اور بیرونی حصوں کی انتہائی اعلیٰ انداز میں سجاوٹ کی گئی ہے ۔
مسٹر Nguyen Van Trung ایک بہت بڑے ویتنامی تاجر ہے جنہوں نے رئیل اسٹیٹ کے کاروبار میں اپنی قسمت چمکائی ۔ انہوں نے دنیا کے مختلف ممالک کا دورہ کیا لیکن آخر میں اپنے آبائی شہر واپس لوٹ آئے اور یہاں ایک شاندار گھر کی تعمیر کا فیصلہ کیا جو حقیقی معنوں میں سیاحوں کو اپنی جانب متوجہ کرتا ہے ۔
اس کے لیے انہوں نے ایک ایسے ماہر تعمیرات سے ملاقات کی جو گھروں کی سجاوٹ میں اعلیٰ مقام رکھتے تھے ۔ اس کے بعد انہوں نے گولڈ تھیم کے مطابق گھر تعمیر کروانے کا فیصلہ کر لیا ۔
دیواروں سے لے کر فرنیچر تک ، گھر کی ہر چیز کی سجاوٹ کے لیے سونے کا استعمال یا پھر سونے کے پانی کا استعمال ہوا محسوس ہوتا ہے-
گھر کے مالک کا کہنا ہے کہ میرے خواب کو حقیقت میں بدلنے میں 3 سال کا وقت لگا اور جب اس گھر کی تعمیر ، تزئین و آرائش مکمل ہو گئی تو یہ گھر لوگوں کی توجہ کا مرکز بن گیا۔
اس انوکھے گھر کے اردگرد سے گزرنے والے افراد کچھ وقت کے لیے اس کے سامنے رک جاتے ہیں اور گھر کی تصاویر بناتے ہیں اور ساتھ ہی منفرد فن تعمیر اور بالکونیوں کو سجانے والے مختلف سنہری مجسموں کے سحر میں گرفتار ہو جاتے ہیں ۔
اس گھر کی ہر چیز دیکھ کر یہی لگتا ہے کہ جیسے یہ سونے سے بنائی گئی ہے لیکن حقیقت اس سے مختلف ہے- دراصل اس گھر کی ہر چیز کو سونے کے ورق سے ڈھانپا گیا ہے ۔ جب کہ دیکھنے والوں کو یہی لگتا ہے کہ گھر کے بیرونی اور اندرونی حصوں کو سونے سے تیار کیا گیا ہے ۔
اس گھر سے لوگوں کی دل چسپی دیکھنے کے بعد گھر کے مالک نے اس گھر کو ایک مناسب سیاحتی مقام میں تبدیل کرنے کا فیصلہ کر لیا ہگ ۔ اب یہاں آںے والوں سیاحوں سے صرف اور صرف 4 ڈالر وصول کیے جاتے ہیں ۔اس کے علاوہ انہوں نے گھر کے ساتھ ہی ایک کیفے بھی بنا رکھا ہے ۔
امریکی خاتون نے اپنے بال 110 فٹ تک بڑھا کر ورلڈ ریکارڈ قائم کر دیا
